Удирдлагуудын сохор цэг

"Зарим менежерүүд өөрийнхөө үргэлж өмгөөлж, хаацайлж байдаг тэр нэг "асуудалтай" ажилтнаас болж бүх зүйл буруудаж байгааг хүлээн зөвшөөрөхөөсөө өмнө 15 шилдэг, хөдөлмөрч ажилтнаа алдчихсан байдаг”

Хортой хамгаалалт ба түүний үр дагавар:

Менежерүүд яагаад тэр нэг ажилтныг хамгаалаад, бусад сайн хүмүүсээ явуулаад байдаг вэ?

•  Үнэнч байдлыг ур чадвараас дээгүүр тавих: Өнөөх ажилтан нь ажилдаа тааруу, эсвэл багийн уур амьсгалыг хордуулдаг байж болох ч удирдлагынхаа дэргэд маш "үнэнч, сайн хүн" шиг дүр эсгэж чаддаг.

•  "Айсбергийн онол": Дээд удирдлага баг дотор яг ямар хортой уур амьсгал, дарамт үүсээд байгааг, хэн нь ажлаас хойш сууж бусдын нуруун дээр ачаа үүрүүлж байгааг бодитоор хардаггүй, харахыг ч хүсдэггүй.

• Өөрийнхөө шийдвэрийг зөвтгөх: Тэр ажилтныг анх өөрөө сонгож авсан эсвэл тушаал дэвшүүлсэн учраас "Миний сонголт буруу байгаагүй" гэдгийг батлах гэж зүтгэсээр багийг тэр чигт нь живүүлдэг.

Үр дүн:

Үүний гол хохирогч нь байгууллагын соёл болон жинхэнэ хөдөлмөрч ажилтнууд байдаг. Тэд шударга бус байдлыг тэвчиж чадалгүй "Чимээгүй холдолт" хийж, улмаар ажлаа орхидог. Нэг хүнийг хаацайлж үлдсэнээр урт хугацаандаа системийг бүхэлд нь нурааж буйн илрэл юм.